Korporativ xidmətlər

Biznesə başlamaq üçün respublikamızda və dünya praktikasında ən geniş yayılmış formalardan biri Məhdud Məsuliyyətli Cəmiyyət (MMC) yaratmaqdır. MMC hüquqi şəxslərin elə bir formasıdır ki, iştirakçıları onun öhdəlikləri üzrə məsuliyyət daşımır və cəmiyyətin fəaliyyəti ilə bağlı zərər üçün qoyduqları mayaların dəyəri həddində risk daşıyırlar. Cəmiyyət öz iştirakçılarının üçüncü şəxslər qarşısında öhdəliklərinə görə məsuliyyət daşımır. Şirkətin təsis müqaviləsinin bağlanılması və ya təsis yığıncağı qərarının hazırlanması, nizamnaməsinin tərtibi, zəruri sənədlərin aidiyyəti qurumlara təqdim olunması və şirkətin qeydiyyata alınması ilə bağlı digər hüquqi prosedurların icra olunması üçün peşəkar hüquqşünaslarımızın təqdim etdiyi hüquqi xidmətlərdən yararlana bilərsiniz.

Xidmət haqqına biznesin qeydiyyata alınması üçün zəruri olan notarial etibarnamə və ərizələr, ASAN imza və ya elektron imzanın alınması (ASAN imza sertifikatı ödənişsiz verilir, lakin mobil nömrə alınmalıdır), hüquqi şəxslərin qeydiyyatı, bank hesabının açılması üçün rüsumlar, zəruri olduqda audit rəyinin alınması və digər rəsmi xərclər daxil deyildir. Nəzərə alın ki, rəhbər şəxs əcnəbi və ya vətəndaşlığı olmayan şəxs olduqda, ASAN İmzanın alınması üçün ilk öncə müvəqqəti yaşama icazəsinin alınması vacibdir. Miqrasiya ilə bağlı məsələlərinizin həlli üçün də peşəkar hüquqşünaslarımız sizə köməklik edəcəkdir.

Hər hansı sualınız yaranarsa, bizimlə əlaqə saxlaya bilərsiniz.